謀求中國揚威世界
其實, 作為我們廣大
市民而言, 均寄望國家
領導層可以替中國帶來
穩定和具進取之新里程.
雖然政治和經濟之改革
或變動策略難免.
但我們堅信中國會走向
更文明, 更理性之道路.
國家之既定方向, 如果是
正確的, 有建設性的,
應該努力堅持, 不可動搖.
現今之中國已非個過往之
落伍, 人民心目中均奮力地
去作經濟之發展和改革,
並謀求與世界之標準達致
平衡而作出努力.
我們有信心, 讓中國走向
更文明和經濟之發展大道.
1 年前
2007年1月20日星期六
謀求中國揚威世界
香港報刊業之爭
香港報刊業之爭
其實, 香港報刊業
日爭朝夕為甚麼呢?
為: 廣告.
為: 市場佔有率.
為: 氣.
為: 股價.
雖說: 商場如戰場,
同行如敵國.
但說: 無永遠敵人,
亦無永遠朋友.
無論閣下之報社是
甚麼背景, 甚麼團體,
或甚麼國家?
亦應為
建設香港而努力.
為香港未來作出貢獻.
論創業與擴業
論創業與擴業
創業與擴業之講座
或論壇時有舉辦.
無論, 如何講解
甚或詮釋?
最終也是一字記之曰:
勇!
古曰: 勇者無懼也!
所謂: 有勇有謀是也.
凡商場或戰場皆重勇.
君不見清兵之軍服上
有勇字在胸前乎?
意是: 為軍者必先言勇!
有勇然後才論智與謀.
然而,
紙上談兵只是為知也!
實戰乃言實不言虛矣.
故曰: 試也!
凡事應重慢事急做,
急事慢做. 審慎也!
歲月縱然流逝
歲月縱然流逝
歲月縱然流逝,
但如何成就美麗人生?
當然, 化妝品可以有所
幫助, 不過真正
美麗與豐盛之人生
乃來自知足也.
知足可常樂,
常樂者, 便可欣然入睡.
睡得好, 肝臟之排毒功能
便得以正常運作.
有健康之新陳代謝, 便可令
人美麗和健康.
所謂: 無憂無愁到公卿也.
談加薪
談加薪
今天, 恆生銀行宣佈加薪,
作為其僱員者, 當然高興.
無論加薪幅度多少,
總是好事.
相信來年, 會有較多公司
加薪或增加職位.
雖然過去數年,
大家之日子過得緊一點.
但是, 總算可以平穩下來.
現在, 國家也好, 港人也好,
還算託福矣.
其實, 現時已年近歲晚,
萬事皆可暫停下來.
明年再接再厲.
祝各界, 各行業來年
萬事勝意! 生意興隆!
福布斯富豪榜
福布斯富豪榜
有時, 亦發覺美國人都
很無聊. 因福布斯雜誌
每年均出版甚麼富豪榜.
其實, 全世界都知道
何等人或那間公司和
甚麼集團,
獨攬全球之財富與資源.
作為我們之新起後輩,
又有甚麼能力與
他們力爭這個已歸邊之
全球化市場?
雖說:
世事難料, 但始終無法
與之抗衡也.
論財雄, 論勢大簡直是
以卵擊石.
如閣下要創業,
請三思而後行, 勿過急!
打工雖無出頭, 但較安全.
講東講西
講東講西
提起香港電台,
在十年前每星期日早上
之 [講東講西] 節目,
當時乃由劉天賜, 陶傑和
張小嫻主持.
但如今各散東西.
實有無限感慨!
當時, 筆者也會傳真個人
心聲上電台去襯一下熱鬧.
[沙田亞伯]
便是我當年之名字也.
時間飛逝, 一去已不回頭.
其實, 他們均是才子, 才女.
有幸聽到其言之有物.
實在獲益良多矣.
現今, 他們各有發展,
可喜可賀! 珍重!
今日禮拜六
今日禮拜六
有局無局全憑
禮拜六!
不過話時話,
真係想relax一下.
本來想約班friend
去飲茶, 但又怕人多
又怕無位.
不如爽d在家聽音樂,
睇書好過!
香港地, 係咁架啦.
人多多, 人迫迫.
都唔知點relax?
你睇啦, 中環, 金鐘和
銅鑼灣簡直係被賓妹,
印尼妹霸晒咁啦.
現在, 政府又嚮應國家之
自由行政策,
到處係大陸豪客, 大陸人.
好似我地d香港窮人,
去得邊啦?
旅行又無錢.
都係慳番d算啦.
無錢鬼可憐!
師奶心聲
師奶心聲
其實, 做師奶唔易架!
何解:
你知啦! 勿都要知.
如果唔係分分鐘
被班鄰居寸架.
有時講開甚麼電視劇情?
甚麼地方大減價,
買菜餚平?
尤其是講埋d仔女經,
要知甚麼學校好,
甚麼要仔女學?
如果乜都唔知, 唔識.
分分鐘懷疑你係唔係
大陸妹黎架!
總之, 仲難過在
office返工.
點都好啦?
為個家者! 都要煮飯啦.
仲有要追電視劇呢.
真忙!
老師之難
老師之難
現在, 做老師簡直
煩到你死, 又難到你
唔知想點?
何解:
你知啦, 依家做老師又多
競爭, 以前做中學老師,
讀完大學, 乜到夠啦!
現在又唔同環境啦, 甚麼
碩士, 博士同業,
中學都來搶飯碗.
有時想話做兼職補習老師,
又被甚麼補習天皇做埋!
總之, 搵食艱難,
有乜辦法呢?
如果你教著班學生
醒就話者, 如果係豬炳或是
係寸過鬼, 就認真麻煩啦!
唔通丙佢麼.
依家, 做老師又要增值,
乜都要讀, 要識.
識少少唔可以扮代表啦.
學生好醒架, 分分鐘被窒!
唯有死忍, 有乜辦法呢?
加上, 政府和學校之高層
有時迫到你氣都吸唔到.
成日開甚麼無喱頭又費時
的會議. 簡直不知所謂!
簡單d, 直接d啦. 老細!
真是連休息都唔夠時間呀.
又是為生活, 為供樓啦!
總之一句, 生活迫人.
2007年1月19日星期五
中美關係
中美關係
中美關係, 有時真係像
小情人在拍拖.
時好時唔好.
認真難搞,
中國有錢又煩
無錢更煩.
都唔知美國佬想點?
一時又話傾銷,
一時又話無人權, 無民主.
總之煩到嘔電.
今日, 還譴責中國
摧毀衛星太空試驗.
正式有口話人
無口話自己.
無計啦, 美國佬人強
馬壯矣.
所以, 中國人一定要
自強不息.
千萬唔好被人家
再話係無料到!
食肆禁煙
食肆禁煙
食肆禁煙
條例自實施以來,
簡直正!
食肆老闆與不食煙,
而只食飯之客人來說,
是極大好處.
可以話係百利而無一害!
起碼坐落張凳後,
再唔驚有條友坐埋來
食煙! 認真唔通氣.
現在唔同環境,
各位食得都認真痛快.
無以前之心理壓力.
而且, 生意都做多點.
因無煙食, 仲唔走,
唔通等運到?
多謝各界議員和
英明之香港政府.
令我們有一個
無煙的城市!
換手機
換手機
手機在港人來說,
可謂既愛且恨.
何解:
有又死無又死.
有者, 又驚落伍.
無者, 又驚老友搵不到,
話你玩失蹤矣.
有錢搵都唔預你啦!
但如果去換手機,
換甚麼款? 要甚麼功能?
然而, 嘩! 閑閑地都要
三千以上才似樣.
否則, 會被成班老友笑
到暈. 但我又唔係趕住潮!
所謂甚麼影相, 聽歌,
又話可上網, 諸如此類,
簡直多到暈.
遲到年尾, 又話甚麼
蘋果出品的[愛風]呢!
你話點追.
其實, 閣下部電話
如果唔係太落伍
又用得.
用住先啦, 老友!
飲早茶
飲早茶
相信很多港人會有
飲早茶習慣.
何解:
其實並非為這一盅兩件.
而是可以吹水, 又吹牛也.
在這時候吹水最好,
睇完報紙, 有任何不平,
即時可以吹一餐也.
當正自己是城中名咀,
唇槍舌劍一番. 樂哉!
有時候, 言之有物.
連眾高官也想不出.
其實, 高官不是想不來,
只是:
想到做不到.
想都不敢想.
想都無用,
因不知上司想甚麼?
也許連想都費時,
或真是根本想不到吧.
點都好, 總之成班老友
聚埋, 可以吹水便認真
不錯了.
又可以閒話家常.
賭馬與六合彩
賭馬與六合彩
賭馬與賭六合彩,
港人簡直是瘋狂!
每星期賭足數日.
如果連埋睇報紙研究,
可能很忙.
但究竟為甚麼?
廣東人肆賭也.
無賭不歡!
試問, 有誰家沒有
麻將? 尤其是放假,
過年, 甚或旅行.
但回想, 也許這是英國人
之鬼子佬奸計.
整天都有賭, 開賭,
又何來有時間理你
政府之政策乎?
為了自己與香港將來,
都係賭少些好!
老年人也炒股票
老年人也炒股票
炒股票者, 老年人也學.
何解?
現今之老年人, 長命也!
老來無事可做,
手頭有錢, 但不可保證
夠用到百年歸老呢?
做小生意可能連本都
蝕埋! 又無氣無力,
可以做都死啦.
唯一可以投資的話,
乃是炒股票也.
有錢可買大藍籌, 紅籌
無錢可買中資細價股, 新股.
炒也好, 不炒也可以
收息矣!
起碼也可賺到飲茶錢.
好彩的話, 分分鐘可以食飯添!
所謂: 坐食山崩, 不能久享.
不過, 要小心!
因股價有上有落,
提防心臟有事, 免麻煩矣.
希望各老人家可以
賺多些錢, 過年也.
恭喜發財! 萬事勝意!
大陸與台灣之間
大陸與台灣之間
大陸與台灣之間的
貿易與旅遊業
均有顯著增長.
問題是:
也要經過香港或澳門
之航空和陸路交通.
現時, 只有每年之
春節包機而已.
當然, 無論三通也好,
甚麼通也好.
目的是希望中台兩地可以
再次成為一體, 一國.
兩兄弟以前之恩恩怨怨
又可否放下呢?
或許, 時間可以証明吧!
中國出境遊客
中國出境遊客
BBC 新聞:
2006年中國出境遊客達3,400萬人次，
較去年增長10％，繼續保持
亞洲第一大出境旅遊市場的地位。
問題是: 該等遊客有否
將其所見所聞向其他
無法出國者教化,
無論西方文化, 建築,
社會風貌, 以致學習西方
之優, 補國家之不足.
我們不能只是瘋狂購物
為主.
正如: 外國人來到我們
的中國也是想看一看
我國之過去歷史．
北京也好，長城也好．
你可以體會幾多呢？
無論個人，國家也
需要多學習和體會別國
之好處．
所謂：
中學為體，西學為用！
2007年1月18日星期四
丁亥年
丁亥年
來年是丁亥年
火豬年也!
丁為火
亥為水
不是水火不容,
而是水火並濟也.
水火並濟者,
可以木通關.
可能屬木之人,
屬木之事最為重要,
因無其不可也.
但也要土或金之盛皿
才可火化水為蒸氣.
推動力和爆發力才大.
其他,
請讀者各自思量吧!
中東人穿西裝
中東人穿西裝
中東人可否改
穿西裝見外賓?
問題是:
不是穿不穿.
而是不須要穿!
中東油田多如繁星,
地下的石油無數.
這樣的黑色黃金又有
誰可以不來朝拜也!
但世事難料, 總有一天,
中東各國油王, 可能改
穿西裝甚或中山裝也
無人理會!
穿鞋的非洲人
穿鞋的非洲人
其實, 各位讀者可先
深思一下:
非洲人為何要穿鞋?
試想非洲太熱了,
除非在南非, 否則,
實在很不舒服.
問題是:
為甚麼? 想學文明?
想討好西方或東方
強國? 尤其是中國!
現今, 中國已是
世界超級強國, 他們也
洋化起來了.
非洲人, 一定要學穿鞋,
否則如何與中國領導人
合照?
這個窮朋友又如何落台?
當然, 全世界均希望非洲
可以富起來!
但大家貧富懸殊,
又何來有合作空間呢?
其實, 穿鞋與穿西裝
差不多嗟!
中年再就業
中年再就業
現時, 政府再次鼓勵
中年就業或再就業計劃.
然而, 如果已屆或過了
退休之年, 實在很難再回去
既有之工作範疇或崗位.
問題是可否與過去之
環境融合.
人也變, 事也在變.
就算閣下可屈就,
也要有老闆請先得.
唯有轉行,
奈何時間與機會不夠多,
加上學習新事物緩慢.
試問如何適應?
除非, 為興趣和
不等錢開飯.
否則, 很難行得通!
雖然, 退休人仕很想重
回崗位, 但還有更多
青少年或剛畢業學生
也無工可做.
現實生活殘酷無常,
小市民又可以如何?
2007年1月17日星期三
碌爆信用咭
碌爆信用咭
為何碌爆信用咭?
其實碌咭者,
想要威, 想証明自己
有張金咭, 白金咭或
黑咭與鑽石咭. 有錢也!
如果付現金者,
可能給人話毋錢,
真不好受!
但碌咭者, 也許毋現金或
想儲積分!
最悲碌咭者, 根本入不敷支,
又何以不碌咭, 甚或透支現金,
以為零用錢或付賬.
現在還加上可與八達通自動增值.
加上各銀行競相派咭,
故各大市民手持信用咭,
超過五張以上.
信用貸款也達八萬或以上.
如果只還
最低付款與高昂利息
每月也要還四千以上.
還來還去都還不完!
你話點算?
唔破產都難矣!
信用咭害人不淺.
訂閱：
文章 (Atom)
